Shirk Kise Kehte Hain?
Allah Ke Siwa Kisi Aur Ko Khuda Janna , Ya Ibadat Ke Laayiq Samajhna Shirk Hai Nez Allah Ta'Aala Ki Sifaat Ko Bi'ainihi Kisi Ghair Ke Liye Manna Yaani Kisi Makhlooq Ki Kisi Sifat Ko Qadeem Aur Mustaqil BizZaat Manna Shirk Hai.
📚 (Ref:- Deeni Ta'ALeem)
✍🏻... Az-Allama Sayyad Shah Turabul Haq Qadri AlaihirRahma
Kufr Kise Kehte Hain?
IsLami Aqaa'id Ke KhiLaaf Koyi Aqeedah Rakhna , Ya IsLam Ki Kisi Mash'hoor Ma'loom Baat Ka Inkaar Karna Us Me'n Shak Karna..
Jaise__Namaz , Rozah , Zakaat , Hajj Ko Farz Na Janna , Ya QurAan Ko Allah Ta'Aala Ka Kalaam Na Samajhna , Ya Jannat , Dozakh , Farishte , Qayamat Waghairah Par Yaqeen Na Rakhna , Ya Kisi Nabi Ya Farishte Ki Tauheen Karna Ya Kisi Sunnat Ko Halka Janna , Ya Kisi Shara'ee Hukm Ka Mazaaq Udana , Ya Mazaaq Me'n Koyi Kufriyah Jumla Bolna , Ye Sab Baate'n Kufr Hain..
*📚 (Ref:- Deeni Ta'ALeem)*
*✍🏻... Az-Allama Sayyad Shah Turabul Haq Qadri AlaihirRahman
Eimaan Kise Kehte Hain?
Allah Ta'Aala Ki Wahdaniyat (Wahid Hona , Ek Hona) Aur Sayyidina Muhammed Mustafa ﷺ Ki Risalat Ka Zaban Se Iqraar Aur Dil Se Tasdeeq Karna Eemaan Kehlata Hai. Nez Ye Bhi Zaruri Hai Ke Nabi Kareem ﷺ Ki Batayi Huwi Tamam Baato'n Ki Tasdeeq Ki Jaye.
(Ref:- Deeni Ta'ALeem)
Allama Sayyad Shah Turabul Haq Qadri AlaihirRahma
